Banka e Shqipërisë ka ulur për herë të parë brenda këtij viti normën bazë të interesit në nivelin 2.50% nga 2.75 % që ishte aktualisht.
Guvernatori Gent Sejko deklaroi se ky vendim erdhi si një masë e domosdoshme për të rikthyer në objektiv inflacionin në një kohë që ka rrezik për shkak të tensioneve gjeopolitike.
Ulja e normës bazë të interesit është pozitive për qytetarët dhe bizneset që kanë një kredi në lekë pasi do të paguajnë më pak për këstin e radhës por edhe për kredi marrësit e rinj të cilët përfitojnë kushte më të favorshme. Nga ky vendim paralizohen ata që kanë depozita në lekë pasi interesi do të pësoj ulje.
Sipas guvernatorit Sejko turizmi por edhe investimet e huaja po i japin shtysë pozitive ecurisë ekonomike në vend.
Banka e Shqipërisë parashikon që inflacioni të kthehet gradualisht në objektiv, duke arritur nivelin 3% në fillim të vitit 2026. /abcnews.al
