Loading ...
Presidenti i Republikës, Bajram Begaj nisi sot një vizitë zyrtare në Republikën e Maqedonisë së Veriut me ftesë të Presidentes Gordana Siljanovska-Davkova.
Në agjendë parashikohen takime me personalitetet më të larta të Republikës së Maqdonisë së Veriut, Presidenten Siljanovska-Davkova, Kryeministrin Hristijan Mickoski, Kryetarin e Parlamentit Afrim Gashi, liderë poltikë shqiptarë, ndërsa do të zhvillojë vizita edhe në disa komuna të drejtuara nga kryetarë shqiptarë.
Presidenti i Republikës do të mbajë një fjalë në Kuvendin e Republikës së Maqedonisë së Veriut në një seancë të posaçme.
Në ndalesën e tij në Komunën e Çairit, ai vizitoi Xhaminë Mustafa Pashë dhe Çarshinë e Vjetër, ku vendosën lule në monumentin e heroit kombëtar Gjergj Kastriot – Skënderbeu.
Synimi i kësaj vizite është forcimi i mëtejshëm i marrëdhënieve mes Shqipërisë dhe Maqedonisë së Veriut dhe përshpejtimi i integrimit në Bashkimin Evropian të dy shteteve anëtare në NATO dhe i gjithë Ballkanit Perëndimor.
Shqipëria e konsideron Republikën e Maqedonisë së Veriut si partner dhe faktor kyç në ruajtjen e paqes, sigurisë dhe kohezionit ndër-etnik.
