Pas dërgimit të avionit grek tip Canadair CL 415 për të ndihmuar në shuarjen e zjarrit, që ka përfshirë ishullin e Sazanit prej katër ditësh, mediet helene kanë raportuar për ndihmën që Athina zyrtare i solli vendit tonë.
“Vendi ynë iu përgjigj menjëherë kërkesës së autoriteteve shqiptare, nëpërmjet Mekanizmit Evropian të Mbrojtjes Civile, për ndihmë, pasi një zjarr i madh po ndodh në ishullin e Sazanit në hyrje të Gjirit të Vlorës”, thuhet në njoftimin e Sekretariatit të Përgjithshme për Mbrojtjen Civile në Greqi.
Lexo edhe: VIDEO/ Momenti kur avioni Canadair i Greqisë ndërhyn për të shpëtuar Sazanin nga flakët
Sipas autoriteteve greke në momentin e parë të kërkesës, me urdhër të Ministrit të Krizave Klimatike dhe Mbrojtjes Civile, Christos Stylianidis , Greqia vendosi në dispozicion të Mekanizmit një avion Canadair CL – 415 , i cili nisur drejt Shqipërisë.
#TeamEurope?? in action.
As response teams battle fire in the island of Sazan??, @eu_echo?? has made available a specialised firefighting plane by Greece??.#EUSolidarity@GreeceinAlbania pic.twitter.com/7CLiOn9s2d— EU in Albania (@EUinAlbania) June 7, 2022
Në artikull theksohet gjithashtu se kjo nuk është hera e parë që Greqia ndihmon vendin tonë në raste të tilla, duke kujtuar zjarret e përmbytjet në vitin 2017 si dhe tërmetin e 2019-ës.
Sipas zougkla.gr Greqia ka ndihmuar disa herë Shqipërinë, si për përballimin e zjarreve në pyje duke dërguar mjete ajrore (2017), ashtu edhe në rastet e përmbytjeve (2017) dhe tërmeteve (2019).
Ministri i Mbrojtjes Niko Peleshi bëri me dije se Greqia e cila i është përgjigjur pozitivisht kërkesës për të sjellë avion tip Canadair CL 415 për shuarjen e zjarrit në Sazan.
“Greqia iu përgjigj menjëherë pozitivisht kërkesës sonë për të angazhuar sot, herët në mëngjes një avion tip Canadair CL 415 për shuarjen e zjarrit në Sazan. Ekspertët vlerësuan se është e nevojshme ndërhyrja nga ajri, por thelbësore mbetet puna e forcave në terren. Mirënjohje partnerëve tanë të Mekanizmit të Mbrojtjes Civile të BE për ndihmën e pakursyer në emergjenca të tilla dhe jo vetëm”, njofton ministri i Mbrojtjes në rrjete sociale.
Lexo edhe: Sazani “përpihet” nga flakët, dëgjohen shpërthime në zonë, pse nuk ndërhyhet nga ajri?
Prej 4 ditësh që ishulli i Sazani është në flakë, ekipeve të zjarrfikësve u janë bashkuar dhe dhjetëra forca ushtarake, të cilët po mundohen të shuajnë zjarrin me degë pemësh e lopata. Operacioni është i vështirë për shkak të terrenit të thyer. Dje ministria e Mbrojtjes tha se i kanë helikopterët për të ndërhyrë por nuk sqaroi arsyen se përse nuk u veprua.
Për Drejtorin e Përgjithshëm të Emergjencave Civile Haki Çako, helikopteri për të montuar nga ajri, u gjet. Ka qenë ministri Niko Peleshi i cili postoi në facebook inspektimin e Çakos. Përballë kritikave të opinionit publik për mos ndërhyrje nga ajri, Peleshi tha se forcat e ushtrisë po krijojnë breza të shpyllëzuara rreth vatrave të zjarrit.
/abcnews.al/
