Autoritetet në Filipine kanë urdhëruar evakuime, grumbullim ushqimesh dhe vendosjen e ushtrisë në gatishmëri për tajfunin Yinsing, pasi stuhia lëviz drejt qyteteve verilindore që mund të kërcënojë gjatë javës.
Qendra e tajfunit, me erëra 120 kilometra në orë, u vlerësua në 590 km nga qyteti lindor Baler në provincën Aurora, tha agjencia shtetërore meteorologjike, sipas Reuters. Autoritetet lokale i kanë bërë thirrje popullatës së vendbanimeve të largëta që të evakuohen herët, pasi ekziston mundësia që shpëtimtarët të mos mund të arrijnë tek ata gjatë valës së stuhisë. “Departamente të ndryshme qeveritare kanë bashkuar përpjekjet për të lëshuar paralajmërime të hershme, për të planifikuar dhe pozicionuar mallrat dhe shërbimet e nevojshme,” tha ministri i Mbrojtjes Gilberto Teodoro.
Ushqimi po grumbullohet, ushtarët janë në gatishmëri për të ndihmuar përpjekjet e shpëtimit dhe digat po lëshojnë ujin në kohën e duhur për të parandaluar përmbytjet, shtuan zyrtarët.
Stuhia mund të zbresë në tokë midis natës së së enjtes dhe mëngjesit të së premtes pranë provincës veriore të Cagayan, duke sjellë shi të dendur në qytetet në rrugën e saj, tha një zyrtar i agjencisë së motit. Rreth 24 milionë njerëz mund të preken drejtpërdrejt nga tajfuni, thanë autoritetet filipinase.
Kjo është stuhia e tretë në më pak se një muaj që kërcënon Filipinet, pasi stuhia Trami dhe super tajfuni Kong-ray goditi ishullin qendror të Luzon në javët e fundit, duke vrarë 151 njerëz dhe duke lënë 21 të zhdukur, sipas mbrojtjes civile.
Rreth 20 stuhi tropikale godasin mesatarisht Filipinet çdo vit, duke sjellë shira të dendur, erëra të forta dhe rrëshqitje vdekjeprurëse./abcnews.al
