Rreth 80 emigrantë, duke përfshirë të paktën tre fëmijë, u shpëtuan nga autoritetet britanike ndërsa ishin në bordin e një varke që po përpiqej të kalonte Kanalin Anglez.
Dy anije të Forcave Kufitare dhe një helikopter i rojes bregdetare si dhe dy anije franceze morën pjesë në operacionin e shpëtimit. Sipas BBC, operacioni u zhvillua pa probleme dhe nuk raportohet për viktima.
Varka me emigrantët në bord, e cila u largua nga bregu francez, mbërriti në ujërat e Mbretërisë së Bashkuar.
Muajin e kaluar, të dhënat e Home Office zbuluan se më shumë se 7,500 emigrantë kishin mbërritur në Mbretërinë e Bashkuar me varka të vogla në katër muajt e parë të vitit, duke shënuar një rekord të ri.
/abcnews.al
