Novak Djokovic ka kaluar në finalen e Australia Open. Tenisti serb arriti të kalonte kundërshtarin e tij të radhës, Aslan Karatsev, në gjysmëfinalen e zhvilluar gjatë paradites së sotme.
Rraketa numër një në botë arriti të triumfonte pastër kundër rivalit rus, me një rezultat 3-0. 6-3, 6-4 dhe 6-2 janë mbyllur tre setet e përballjes, të cilat i mjaftuan 33-vjeçarit për të kaluar për herë të nëntë në finalen e madhe.
That Grand Slam semifinal winning smile ?
Make that 2️⃣8️⃣ for @DjokerNole!#AO2021 | #AusOpen pic.twitter.com/B9kBkX4VEB
— #AusOpen (@AustralianOpen) February 18, 2021
Kjo është e 28-ta herë që Djokovic shkon në finalen e një Grand Slam në karrierën e tij, duke barazuar spanjollin Raphael Nadal. Më shumë se ata ka vetëm legjenda Roger Feder, i cili numëron plot 31 të tilla.
Ndërkohë, ditën e nesërme do të zhvillohet edhe gjysmëfinalja tjetër mes Daniil Medvedev dhe Stefanos Tsitsipas. Fituesi i këtij çifti do të përballet me Novak Djokovic ditën e diel. /abcnews.al
