Policia ka gjetur një makinë të djegur në fshatin Daullas të Fierit pas atentatit në rrethrrotullimin e Sheqit në Fier.
Policia ndodhet në vendin e ngjarjer për të mbledhur prova në lidhje me çfarë ndodhi pak minuta më parë ku mbeti i vrarë në një atentat Shkëlzen Kastrati.
Gazetarja Valbona Davidhi raporton se viktima ndodhet ende brenda makinës tip “Mercedes Benz” me targa AB871AN, e cila ka dalë nga rruga dhe është përplasur me një makinë tjetër.
Dëshmitarë të ngjarjes thanë se pas të shtënave autori është larguar në drejtim të Mbrostarit.
Njoftimi i policisë
Fier
Informacion paraprak
Sot rreth orës 10:30, në vendin e quajtur “Ura e Sheqit”, një shtetas i paidentifikuar, ka vrarë me armë zjarri shtetasin Sh. K., i cili ka qënë në automjetin tip “Benz”.
Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”.
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit.
/abcnews.al
