Detaje të reja janë mësuar nga ngjarja e rëndë e ndodhur mbrëmjen e sotme në Tiranë ku dy persona kanë mbetur të vrarë gjatë një atentati të ndodhur në zonën e Astirit në kryeqytet.
Autorët kanë qëlluar nga një automjet në lëvizje në drejtim të Audit A 8 me targa AB008EM, ku po udhëtonin dy viktimat.
Nga pamjet e siguruara nga ABC në vendin e ngjarjes, duket se plumbat kanë kapur automjetin në anën e pasagjerit ku plumbat kanë shpuar tej për tej xhamin e automjetit.
Ende nuk bëhet me dije identeti i dy viktimave. Ndërkohë policia punon për identifikimin dhe kapjen e autorëve. Në hyrje dhe në dalje të Tiranës janë ngritur pika të shumta kontrolli. /Abcnews.al
