Gazetari investigativ i projektit RAI Report Siegfrido Ranucci mund të dëgjohet ish-presidenti i Cagliarit dhe Leeds dhe pronari aktual i Brescias Massimo Cellino duke folur për kohën e tij si Zëvendës President i Përkohshëm i Serisë A në 2006. Në atë kohë shpërtheu skandali Calciopoli që solli dorëheqjen e Adriano Gallianit nga ky post, Juventusi u dërgua në Serie B dhe Moggi, Bettega dhe Giraudo u pezulluan përgjithmonë nga futbolli.
“U përpoqa të shpëtoja një shtëpi që po shembet. Fillova të pastroj të gjitha mbeturinat që ishin aty, nuk dija nga të filloja. Ne ishim 6-7 presidentë, mblidheshim vazhdimisht në Ligë, duke u përpjekur të organizonim punën e kampionatit.
Unë kisha një kontejner me të gjitha dosjet. Disa ishin të regjistruara me garanci false. Zbritëm në shesh poshtë, kishte një fuçi hekuri, hodhëm gjithçka brenda dhe e dogjëm. Të nesërmen erdhi Garda Financiare dhe nuk gjeti asgjë. Unë as nuk isha atje”, tha ai.
Ranucci bëri të ditur se programi i cili do të transmetohet të hënën më 17 prill dhe do t’i rikthehet bisedës për Calciopoli. “Ne do t’i kushtojmë një episod të tërë Calciopolit dhe do të fillojmë me çelësin që na dha Luciano Moggi. Ai ia ka përcjellë Andrea Agnellit dhe gjithashtu një prej korrespondentëve tanë dhe më duhet të them se ka disa përgjime shumë interesante që e bëjnë të qartë se për çfarë ishte Calciopoli dhe jo vetëm.
Sipas tij, informacioni që përmban do të ndryshojë perceptimin për rastin Calciopoli, i cili në vitin 2006 tronditi jo vetëm Italinë, por gjithë Evropën. /G.D abcnews.al/
