Cristoforo Scorpiniti përdor një metodë të veçantë për të sjellë krijimet e tij. Artisti italian arritur të krijojë një art që shkëlqen në errësirë, duke përdorur disa bojëra të veçanta akrilike që i japin “jetë” pikturave të tij, sipas Bright Side.
Ngjyrat e përdorura nga Cristoforo “ndryshojnë” shkëlqimin e tyre në varësi të nivelit të dritës që marrin. Ngjyrat bëhen më intensive në kushte të errëta, dhe për shkak të vetive të tyre fluo dhe fosforeshente, bojë që reagon ndaj dritës UV, bëhen më të ndritshme, shkruan abcnews.al.
Sipas artistit, ngjyrat mund të ruajnë tiparet e tyre fluoreshente për më shumë se 80 vite, nëse mbahen në kushte të mira. Cristoforo ndryshon intensitetin e dritës duke shtuar ujë dhe duke holluar ngjyrat me bojëra të tjera akrilike.
Bojë akrilike me shkëlqim në të errët konsiderohet një burim i energjisë së rinovueshme të dritës, dhe falë vetive të saj fotolumineshente, thith gjithë dritën përreth dhe e pasqyron atë në kushte të errëta. Duke sjellë 2 piktura në një krijim të vetëm, artisti italian ka vendosur të sfidojë idenë se pikturat duhet të vlerësohen vetëm në dritën e plotë, dhe rezultatet janë me të vërtetë frymëzuese. /abcnews.al/
