Shanset për kualifikim janë 50 me 50, por Partizani duhej të kishte bërë më shumë në Europë. Ky është mendimi i Artim Shaqirit, ish-trajner i Kukësit në Superligë.
Nuk mbeti aq shumë i impresionuar.
Një ish-futbollist i nivelit të lartë si Artim Shaqiri, priti më shumë nga Partizani në duelin e parë evropian.
Ish-trajneri i Kukësit gjykon se në Champions duhet më shumë guxim.
Shaqiri: “Partizani pjesën e parë duket se po studionte kundërshtarin. Prisja një kundërsulm sepse është një kundërshtar i vështirë. Por në bisedë me disa miq të klubit thonë se kanë edhe disa mungesa. Në pjesën e dytë Partizani kërkoi edhe rastet por duhet thënë se në Champions duhet me shumë punë”.
Gjithsesi, Shaqiri, sot trajner i Flamurtarit të Prishtinës në Kosovë, nuk e sheh pa shpresa kampionen e Shqipërisë./ABC News Albania 24/7
