Në konferencë për shtyp para ndeshjes kundër Mallorcas në transfertë, trajneri i Barcelonës, Quique Setien, foli edhe për të ardhmen e Arthur. Strategu katalanas tha se ka pasur një bisedim me lojtarin, por për momentin, nuk mund të zbulojë asgjë.
“Kemi biseduar, shumë pak. Kjo situatë ku ndodhemi, është e paprecedentë, nuk ka ndodhur më përpara në historinë e njerëzimit. Normalisht, edhe merkato do të jetë ndryshe.
Gjithsesi, tani po mendojmë vetëm për sezonin aktual dhe të gjithë lojtarët do të na duhen për të arritur tek objektivat tona. Arthur është një futbollist shumë i mirë, ashtu si të gjithë futbollistët e tjerë të Barcelonës”, tha Setien./abcnews.al
