Pasi tregoi me pamje procesin e kultivimit të kanabisit në veri të vendit, gazetari i Abc News Artan Hoxha ka publikuar një tjetër video ku këtë herë tregon procesin e tharjes së bimës narkotike. Gazetari tha se videoja në të cilën shihet procesi i tharjes së kanabisit është regjistruar në zonën e Poliçanit.
“E gjithë salla është kthyer në infrastrukturë për tharjen e kanabisit. Kjo është në zonën e Tërpanit, në Poliçan dhe shikoni se cfarë investimi është bërë. Këtu janë deri në 3 mijë rrënjë kanabis” tha ai te opinion. Ai publikoi pamje edhe nga parcelat në Skrapar. Hoxha solli edhe disa foto ku shihen se si në këtë proces përdoren edhe panelet diellore.
Artan Hoxha tha se këtë vit çmimi i kanabisit ka arritur deri në 1300 euro kilogrami, ndërsa u shpreh se personat që e kultivojnë nuk janë banorë të zonave, por grupe nga Tirana, Fushë Krujë, Kukësi, Mamurrasi apo zona të tjera./ db/Abcnews.al
