Në Shqipëri përgatitja e një mjeku të ri kushton rreth 39 mijë euro. Tarifa që paguhet nga studentët përbën vetëm 6- 8 % të kostos reale të shkollimit pjesa tjetër subvencionohet nga buxheti i shtetit apo universitetit.
Kjo referuar të dhënave të publikuara në projektligjin për studentët e mjekësisë që Qeveria i ka dërguar Kuvendit. Kosto e studimit për programin e integruar mjekësi e përgjithshme shpjegohet në relacionin shoqërues është afro 679 mijë lekë në vit prej të cilës studenti paguan vetëm 45 mijë lekë.
Ndërkohë sipas dokumentit zyrtar 863 studentë përfitojnë përjashtimin nga tarifa e studimit. Efekti financiar përllogaritet rreth 39 milion lekë ose 370 mijë euro. Para prej buxhetit të shtetit dhe universitetit që për 2 nga 10 mjekë që përgatiten në Shqipëri shkojnë për të furnizuar me personel shëndetësor spitalet në Gjermani, Shtetet e Bashkuara të Amerikës, Britani e Madhe, Kanada dhe Itali.
Zyrtarisht thuhet se deri në vitin 2022 totali i mjekëve të trajnuar në Shqipëri, por që punojnë në vendet e OECD është 1200. Aktualisht në Shqipëri ka afro rreth 5400 mjekë ose 1.9 mjekë për 1 mijë banorë. Krahasuar me dhjetë vjet më parë densisteti është rritur, por megjithkëtë është endë larg vendeve të rajonit që kanë 2.6 mjekë për 1 mijë banore apo shteteve të OECD me 3.6 mjekë për 1 mijë banorë.
Për t’ju përgjigjur nevojave të sistemit dhe për të kundërshtuar efektin e largimit të mjekëve jashtë vendit Qeveria parashikon që ata që hynë në universitet vitin që vjen të firmosin kontratën që I detyron të punojnë 5 vjet në Shqipëri pas diplomimit. Studentët aktualë të mjekësisë duhet të të punojnë 2-3 vjet pas studimeve ose të paguajnë koston reale për vitet e mbetura. Ndërkohë kuotat e çeluara për këtë program studimi deri në 2024 parashikohet të shkojnë në 500.
Vetëm kështu mbi 370 mijë euro para të taksave tona do të shkojnë realisht aty ku duhet; tek një sistem shëndetësor ku nuk mungon shërbimi po as shërbyesit publikë, mjekë dhe infermierë./abcnews.al
