Mbreti Charles po përgatitet të mbajë fjalimin e tij të parë për Krishtlindje si monark pas zhurmës që ka shkaktuar në familjen mbretërore dokumentari i Harry dhe Meghan Markle ‘Harry dhe Meghan’.
Buckingham Palace deri më tani ka refuzuar të komentojë mbi pretendimet e çiftit, edhe as deklaratën e Harry, i cili tha se ishte “e tmerrshme” që vëllai i tij Princi William “po bërtiste dhe bërtiste mbi mua” dhe “e bënte Charles të thoshte gjëra që thjesht nuk ishin të vërteta” rreth vendimit të çiftit për t’u tërhequr nga detyrat e tyre mbretërore.
Prandaj, në fjalimin e monarkut nuk do të përmendet dokumentari i Harry dhe Meghan Markle dhe arsyeja është e thjeshtë. Mbreti Charles filmoi mesazhin e tij festiv menjëherë pas publikimit të episodeve të para të dokumentarit.
Mbreti Charles mendohet se ka të ngjarë të përmendë Dukën dhe Dukeshën e Sussex-it në fjalimin e tij festiv, por sipas Telegraph nuk kishte dëshirë të bënte ndonjë ndryshim në mesazhin e tij pas shfaqjes së Netflix. Sipas publikimit, fjalimi është regjistruar të martën, më 13 dhjetor.
Edhe pse tema e fjalimit të mbretit nuk është bërë e ditur, ka të ngjarë që ai të bëjë një dedikim për nënën e tij, mbretëreshën, e cila vdiq në shtator. Mesazhi i Krishtlindjes i këtij viti do të transmetohet të dielën, më 25 dhjetor dhe do të shënojë të parën në Mbretërinë e Bashkuar nga një monark në gati 70 vjet./abcnews.al
