Prej sezonit të shkuar, “topçinjtë” e Arsenal duket të kenë rimarrë atë “shkëlqimin” e dikurshëm, teksa kanë arritur të krijojnë një ekip plot “yje” e lojtarë të talentuar, si Martin Odegaard, Bukayo Saka, Gabriel Martinelli, Aaron Ramsdale e Gabriel Jesus.
Ndër “yjet” që “shkëlqen” më shumë është padyshim kapiteni norvegjez, Martin Odegaard, i cili mund të thuhet me plot gojë se ka “ringjallur” mesfushën e “topçinjve” e për këtë arsye duket se dëshiron ta “shpërblejë” me një kontratë të re.
Aktualisht, ish-“fantazisti” i Real Madrid ka një kontratë të vlefshme deri në verën e vitit 2025 me “topçinjtë”, me një pagë prej 115 mijë paundësh në javë, mirëpo duket se kjo gjë do të ndryshojë në ditët në vijim dhe për këtë gjë dakordësinë e ka dhënë dhe vetë lojtari.
Sipas raportimeve më të fundit të tabloideve britanike, klubi në punë e sipër për të përfunduar rinovimin me norvegjezin, teksa mësohet se kanë gati një kontratë 4-vjeçare, nga e cila kapiteni i “topçinjve” do të përfitojë një pagë 12 milionë euro në sezon. /i.m /abcnews.al
