I radhës që ka reaguar pas marrëveshjes së arritur mbrëmjen e sotme në Bruksel për të pranuar propozimin e Bashkimit Evropian, i cili ka mbështetjen e SHBA-së është kryetari i Aleancës për Ardhmërinë e Kosovës, Ramush Haradinaj.
Haridinaj shprehet se marrëveshja është pranim faktik i pavarësisë së Kosovës, e cila për rrjedhojë rikthen normalitetin politik e të sigurisë.
“Marrëveshja është pranim faktik i pavarësisë së Kosovës, e cila i rikthehet normalitetit politik e të sigurisë, perspektivës integruese euro-atlantike e njohjeve te reja”, ka shkruar Haradinaj.
Reagimi i plotë i Haradinajt:
Pajtimi për ta pranuar propozimin evropian për normalizimin e marrëdhënieve Kosovë-Serbi, është një e arritur e madhe.
Marrëveshja është pranim faktik i pavarësisë së Kosovës, e cila i rikthehet normalitetit politik e të sigurisë, perspektivës integruese euro-atlantike e njohjeve te reja.
Po aq e rëndësishme mbetet edhe faza vijuese e bisedimeve për çështjet tjera të hapura, për të cilat dua të besoj se do te gjenden zgjidhjet më të mira, me çka do të përmbyllej edhe kapitulli i njohjes ‘de jure’ midis Kosovës dhe Serbisë!r.t/abcnews.al
