Partitë e qendrës së majtë, liberale dhe ambientaliste të Gjermanisë kanë arritur marrëveshje për të formuar qeveri koalicioni trepalësh. Udhëheqësit e Partisë Socialdemokrate (SPD), Demokratët e Lirë (FDP) dhe të Gjelbrit, gjatë një konferencë për shtyp prezantuan marrëveshjen e tyre të koalicionit.
Socialdemokratët fituan ngushtë zgjedhjet e 26 shtatorit kundër Kristian-demokratëve (CDU/CSU) të kancelares Angela Merkel dhe kanë negociuar me të Gjelbrit dhe FDP që nga tetori për të formuar qeverinë e ardhshme të koalicionit.
Sipas Bild, kreu i Demokratëve të Lirë (FDP) Christian Lindner do të marrë postin e ministrit të Financave dhe do të zëvendësojë Olaf Solz, i cili do të marrë postin e kancelarit.
Postet
– Social Demokratët (SPD), përveç Kancelarisë, marrin edhe ministritë:
-Ministria e Mbrojtjes,
– Ministria e Brendshme
– Ministria e Infrastrukturës dhe Energjisë
– Ministria e Mirëqenies Sociale
– Ministria e Shëndetësisë
Partia e Gjelbër (Die Grünen):
– Ministria e Punëve të jashtme,
– Ministria e Ekonomisë dhe Klimës,
– Ministria e Familjes dhe politikës sociale
– Ministria e Bujqësisë dhe Mjedisit
Partia liberal-demokrate (FDP) :
– Ministria e Financës
– Ministria e Drejtësisë
-Ministria e Transportit
-Ministria e Arsimit
Vihet re se socialdemokratët gjermanë (SPD), të Gjelbrit dhe Demokratët e Lirë (FDP) planifikojnë të paraqesin marrëveshjen e tyre për formimin e një qeverie koalicioni në një konferencë për shtyp në orën 15:00 sot.
Nesër, të Gjelbrit, në kuadër të një Konference digjitale, do të informojnë 125 mijë anëtarët e tyre për përmbajtjen e Marrëveshjes Programore dhe për personat që do t’u caktohen ministritë e “gjelbërta”. Procesi i votimit do të zgjasë dhjetë ditë.
Qëllimi i koalicionit të ri, i njohur si “fener” për shkak të ngjyrave të tre partive që e përbëjnë, është të krijojë mundësinë që Olaf Solz të marrë detyrën e Kancelarit.
/abcnews.al
