Arrestohet në Durrës 49-vjeçari i shpallur në kërkim ndërkombëtar

schedule08:58 - 31 Maj, 2020

schedule 08:58 - 31 Maj, 2020

49-vjeçari i shpallur në kërkim ndërkombëtar është arrestuar nga Policia e Durrësit. Sipas Policisë 49-vjeçari F.T ishte dënuar në Itali për trafikim të lëndëve narkotike.

Operacioni u realizua nga Drejtoria Vendore e Policisë së Durrësi, në bashkëpunim me Zyrën Qendrore Kombëtare Interpol Tirana.

Durrës/infomacion

Vijojnë operacionet për kapjen e personave të shpallur në kërkim ndërkombëtar.

Një tjetër i kërkuar nga drejtësia italiane, për trafikim të narkotikëve, bie në prangat e Policisë.

Operacioni nga DVP Durrës, në bashkëpunim me Zyrën Qendrore Kombëtare Interpol Tirana.

Në vijim të punës për kapjen e personave të shpallur në kërkim ndërkombëtar, specialistët e Seksionit për Hetimin e Narkotikëve, në bashkëpunim me Komisariatin e Policisë Durrës, si rezultat i shkëmbimit të informacionit me Departamentin e Policisë Kriminale dhe Interpol Tiranën, bënë të mundur lokalizimin, kapjen dhe arrestimin provizor, me qëllim esktradimin drejt Italisë, të shtetasit F. T., 49 vjeç, banues në Gjepalaj, Shijak, Durrës.

Ky shtetas ishte shpallur në kërkim ndërkombëtar nga Interpol Roma, Itali, në bazë të urdhër-arrestit ndërkombëtar të lëshuar nga Gjykata e Pavias, Itali, për veprën penale “Trafikimi i narkotikëve”.

Arrestimi provizor u krye me qëllim ekstradimin e tij drejt Italisë, mbështetur në “Konventën Evropiane të Ekstradimit” dhe marrëveshjen dypaleshe mbi ekstradimet, nënshkruar mes Republikes së Shqipërisë dhe Italisë.