Policia arreston 3 aktivistë të mbrojtjes klimaterike pasi u përpoqën të pengonin lëvizjen e anijeve në portin më të madh të qymyrit në vend. Organizatori i protestës, Rising Tide, tha se qindra aktivistë ishin në portin e Newcastle, si pjesë e një bllokade 50-orëshe që nisi të premten.
Policia e New South Wales njoftoi në një deklaratë se protestuesit, dy burra dhe një grua, u arrestuan pasi protestuesit lundruan me kanoe përtej kufirit të policisë.
Ndryshimi klimatik është një çështje e diskutuar në Australi, që është eksportuesi i dytë më i madh i qymyrit termik dhe eksportuesi më i madh i qymyrit për prodhimin e hekurit. Newcastle, rreth 170 km në veri të Sydney-t, është porti më i madh i ngarkesave në bregun lindor të Australisë dhe terminali më i madh i eksportit të qymyrit të vendit.
Një përfaqësues i Portit të Newcastle tha se protestat nuk patën ndikim në lëvizjen e anijeve. Një protestë e ngjashme në nëntor të vitit të kaluar pengoi operacionet e portit. /abcnews.al
