Arkeologët izraelitë kanë zbuluar një vezë pule pothuajse 1.000-vjeçare në jug të Tel-Avivit. Gërmimet u zhvilluan në qytetin Javne.
“Studiuesit e zbuluan vezën e paprekur gjatë gërmimeve në një gropë antike”, njoftoi sot Autoriteti i Antikiteteve të Izraelit.
“Edhe në nivelin global, ky është një zbulim jashtëzakonisht i rrallë”, tha në një deklaratë Lee Perry Gal nga Autoriteti i Antikiteteve të Izraelit dhe një ekspert për shpendët në botën antike.
Sipas tij, fatkeqësisht veza ka një çarje të vogël, që do të thotë se shumica e lëngut kishte dalë. Vetëm pak përbërje nga e verdha e vezës ishte ende e pranishme për të pasur një mundësi për analiza të ADN-së në të ardhmen./abcnews.al
