Pak ditë më parë, Arbana Osmani u bë nënë për herë të dytë. Moderatorja dhe partneri i saj, Eduart Grishaj mirëpritën një djalë që e pagëzuan me emrin e veçantë, Diell. Moderatorja ka ndarë me ndjekësit në rrjete sociale disa pamje nga materniteti, kur vogëlushi nuk kishte ardhur akoma në jetë.
Arbana shfaqet e veshur me të bardha ndërsa ka qenë në pritje për të hyrë në sallën e lindjes. “Një javë më parë, duke pritur të shkoja në sallën e lindjes. Selfie i fundit shtatzënë!”, shkruan moderatorja krahas fotos. Ndërkohë, gjithashtu ajo ndau një tjetër moment të veçantë, kur djali i madh Jon ka takuar për herë të parë vogëlushin.
“Takimi i parë me vëllain e madh më të mirë në botë”, shton moderatorja. Ndërkaq, Arbana postoi ditën e djeshme imazhet e para pas lindjes së vogëlushit, ku shfaqej e veshur me një fustan të zi ndërsa mbante në dorë një trëndafil rozë. Por, ajo që tërhoqi vëmendjen ishin linjat e moderatores, e cila në vetëm kaq pak ditë nga lindja dukej në super formë. /abcnews.al
