Presidenti i Shqipërisë Ilir Meta ka refuzuar të komentojë shpalljen non grata të Aqif Rakipit.
“Nuk kam asnjë koment për të bërë për çështje që kanë të bëjnë me sovranitetin e vendeve të tjera. Për mua e rëndësishme është të respektohet kushtetuta e vendit tonë. Themelet e republikës janë tronditur seriozisht sepse është tronditur rendi politik me zgjedhjet në çdo nivel”, tha Meta në një prononcim për mediet.
Lexo edhe: Raporti me Ramën, Meta e lë “derën” hapur
Thesari Amerikan vuri sanskione ndaj një numri të madh politikanësh në Ballkan, përfshi ish-kryeministrin maqedonas Nikola Gruevski si edhe ish-deputetin shqiptar Aqif Rakipi.Ky i fundit u shpall “non grata” duke bërë që Thesari të urdhërojë të gjitha institucionet amerikane që të sekuestrojnë të gjitha pasuritë e tyre brenda atij shteti.
Por pse u shpall “non grata” Aqif Rakipi?
Vendimi u shpall disa ditë më parë nga Departamenti i Thesarit duke e arsyetuar këtë me pjesëmarrje në aktivitete kriminale brenda dhe jashtë vendit.
Çfarë shkruan Thesari Amerikan për Rakipin:
Aqif Rakipi (Rakipi) është një ish-deputet famëkeq nga Elbasani i Shqipërisë, i cili ka një ndikim të dëmshëm dhe destabilizues në proceset politike në Shqipëri. Grupe të shumta të krimit të organizuar (OCG) në Shqipëri kanë ofruar para, dhurata ose premtime për vende pune ose koncesione në këmbim të votave për partinë e tyre të preferuar politike. Rakipi ka qenë prej kohësh i përfshirë në krimin e organizuar dhe është i lidhur ngushtë me një organizatë të krimit të organizuar, brenda së cilës ai ka ushtruar ndikim politik, duke përfshirë edhe korrupsionin.
Për shembull, Rakipi ka përdorur ndikimin e tij politik për të emëruar miqtë e tij në postet kryesore publike në Elbasan dhe Tiranë. Rakipi humbi mandatin e tij si deputet i parlamentit të Shqipërisë pasi prokurorët konfirmuan rolin e tij në veprimtari kriminale me një pseudonim.
Ai caktohet në bazë të E.O. 14033 për të qenë përgjegjës ose bashkëpunëtor në, ose për përfshirje të drejtpërdrejtë ose të tërthortë në, korrupsionin në lidhje me Ballkanin Perëndimor, duke përfshirë korrupsionin nga, në emër, ose të lidhur ndryshe me një qeveri në Ballkanin Perëndimor, ose një qeveri aktuale ose të mëparshme zyrtar në çdo nivel të qeverisjes në Ballkanin Perëndimor, siç është shpërdorimi i aseteve publike, shpronësimi i aseteve private për përfitime personale ose qëllime politike, ose ryshfet. /abcnews.al
/abcnews.al/
