Eksperti i sëmundjeve infektive në SHBA Anthony Fauci tha se një vaksinë kundër COVID-19 mund të jetë gati në Shtetet e Bashkuara të Amerikë që në fillim të muajit dhjetor, nëse ajo do të provohet që është e sigurt dhe dhe do të japë rezultate. Megjithatë, për BBC ai sqaroi se do të duhen disa muaj të tjerë para nisjes së vaksinimit në masë.
“Mendoj se do të mësojmë nëse një vaksinë është e sigurt dhe efikase në fund të nëntorit ose në fillim të dhjetorit. Pyetja është, pasi e kemi një ose më shumë vaksina të sigurta, si do t’i çojmë tek njerëzit që kanë nevojë së më shpejt të jetë e mundur? Sasia e dozave që do të jenë të disponueshme në dhjetor nuk do të jetë e mjaftueshme. Do të kenë prioritet stafi mjekësor, apo ata që gjenden në kategorinë e personave më të rrezikuar. Të tjerë do të duhet të presin disa muaj të tjerë në 2021-shin”, tha Fauçi.
Pjesëtari i task-forcës kundër Covid-19 në Shtëpinë e Bardhë shton se vaksina nuk do të zëvendësojë nevojën e respektimit të masave që janë në fuqi për të mbrojtur qytetarët nga virusi, për një kohë të caktuar./abcnews.al
