Real Madrid mposhti Getafen me rezultatin 1-0 në Santiago Bernabeu në raundin e 34-të të La Ligës, por Edouardo Camavinga ka lënë fushën i dëmtuar duke shqetësuar kampin “Los Blancos”.
Me këtë fitore Real Madridi e zvogëloi diferencën me Barcelonën në 11 pikë, ku deri në fund të kampionatit kanë mbetur edhe katër xhiro.
Golashënuesi i vetëm për madrilenët ishte Marco Asensio në minutën e 70-të.
Lajmi shqetësues për Carlo Ancelottin është dëmtimi i Eduardo Camavinga, një prej lojtarëve kryesorë të tij.
Francezi u largua nga fusha në minutën e 84-të për shkak të dhimbjes në gju.
Mjekët e ndihmuan në stol dhe më vonë u pa duke mbajtur akull në zonën ku kishte dhimbje. Ende nuk ka lajm zyrtar nga klubi mbretëror për francezin dhe nuk dihet se a do të jetë gati për ndeshjen kryesore të vitit ndaj Man Cityt në Champions League./ h.ll/abcnews.al
⚪️?Camavinga pense pouvoir jouer mercredi. @Ramon_AlvarezMM #RealMadridGetafe #RealMadrid pic.twitter.com/pyrvd3LvII
— Real Madrid CF FR (@RealMadridCFFR1) May 14, 2023
