Drejtori i Përgjithshëm Bledar Doracaj i ftuar në studion e “ABC News” foli për ankesat për ndryshim të vendbanimit në gjendje civile.
Ai sqaroi se asnjë adresë nuk është zhvendosur për arsye të bindjeve politike.
“Detyrimin ligjor që shtetasit shqiptarë kanë që brenda 30 ditësh të deklarojnë vendbanimin, e ka bërë shteti. Është një projekt i quajtur projekti i popullit ku gjatë viteve 2017-2018 është trokitur në çdo derë të qytetarë për të identifikuar vendbanimet e tyre. Pas një pune shumë të madhe në bashkëpunim me OSHEE u finalizua në fund të vitit 2019.
Ministria e Brendshme ndërmori dhe filloi procesin e bashkimit të dy regjistrave. Pas zgjedhjeve filluam edhe procesin test, pra bashkimi i dy regjistrave ku intervistimet e qytetarëve bashkoheshin me adresat. Sot çdo derë në Republikën e Shqipërisë ka një adresë dhe kjo është një nga arritjet e qeverisë”, sqaroi ai.
Sakaq ai theksoi se ka me mijëra shtetas shqiptarë të cilët ndryshe kishin vendbanimin dhe ndryshe deklaronin.
“Mbajtja e adresave fiktive krijon një konfuzion pasi shteti vendor i merr të dhënat nga regjistri dhe kjo është masive. Por ne po kthehemi në normalitet. Askujt për asnjë arsye nuk iu është ndryshuar vendbanimi. Ne jemi një shtet që pretendojmë që nesër të jemi anëtar të BE dhe nuk mund të vazhdojmë të bëjmë adresa fiktive. Ne kemi verifikuar zyrtarisht që të gjitha ndryshimet ndodhin për shumë arsye, por jo për arsye të zgjedhjeve. Një pjesë e qytetarëve sipas tij nuk kanë zbatuar ligjin”, tha ai.
Sa i përket administratës ai theksoi se ende ka gabime, ndërsa u shpreh se nuk është fenomen.
“Prej 12 vjetësh bëhen mbi 4 mijë korrigjime të materialeve në ditë. Sfidoj çdokënd, një jurist përpara se të bëjë një akuzë duhet ta verifikojë. Ai jurist që ka bërë akuzën të logojë dhe të kontrollojë.
Transferimi i të dhënave bëhet automatikisht, leja e vendbanimit ndryshohet vetëm me paraqitjen e qytetarët dhe përpara se të hedhin akuza duhet t’i verifikojnë. Ai që jeton në Korçë dhe gjendjen civile e ka në Tiranë ai duhet të vijë në Tiranë.
Ka probleme të cilat duhen zgjidhur. Që nga dhjetori i 2019 deri më sot ne vazhdojmë të zgjidhim halle, saktësojmë. Vazhdojmë të zgjidhim problem që shumicën e rasteve vijnë për faj të qytetarëve por në pjesën tjetër të rasteve vijnë edhe për faj të administratës.
Ne sot po i kthejmë në legjitimitet, shteti duhet t’i dije ku i ka shtetasit dhe shtetasi duhet t’i deklarojë shtetit ku banon. Nëse unë banoj në Tiranë pa dokumentacion dhe gjendjen civile e kam në Vlorë unë kam shkelur një ligj. Ne nuk po e çojmë para Gjykatës por i njoftojmë që me një dokument nga administratori, një kopje të kartës së identitetit dhe të saktësojë adresën.
Ky është një proces që ka filluar nga dhjetori i vitit të kaluar, kjo nuk varët vetëm nga ne. Për këtë arsye kemi intensifikuar komunikim publik për të ndërgjegjësuar qytetarët. Çdo teknologji apo risi ka problemet e veta. Ne nuk kemi të dhëna gabim, kemi saktësim.
Gjithashtu ai theksoi se personat që kanë bërë denoncimin sipas tij janë përdorur politikisht dhe për ata që reagojnë politikisht unë iu përgjigjen profesionalisht. “Çdo jurist përara se të bëjë një akuzë duhet ta verifikojë”, u shpreh Doracaj./abcnews.al/
