Beteja për Kylian Mbappe u fitua nga PSG, që për 180 milion euro e bleu sulmuesin francez nga Monaco. Real Madrid me siguri është penduar dhe po tenton të mos gabojë sërish, me një tjetër lojtar: Erling Braut Haaland.
Goleadori i Borussia Dortmund është objektivi i tyre, por së fundmi edhe PSG është futur në garë. Spanjollët duan të mbërrijnë të parët në finish për të, kurse në Francë duan një pikë referimi për sulmin.
Edinson Cavani pritet të largohet, pasi kontrata i përfundon më 30 qershor, ndërkohë që edhe Mauro Icardi është i Interit dhe për momentin është raportuar se në Francë nuk janë gati të ofrojnë 70 milion euro për kartonin e tij.
Borussia Dortmund sigurisht nuk e lëshon Haaland për një shifër dosido. Gjermanët e blenë sulmuesin për 20 milion euro nga Salzburg, por iu desh të paguante edhe 15 milion euro për menaxherin Mino Raiola, si dhe 10 milion të tjera për babanë e sulmuesit. /abcnews.al
