Angelina Jolie ka punësuar vajzën e saj 15-vjeçare, Vivienne Jolie-Pitt si asistenten e saj në prodhimin e ardhshëm të “The Outsiders”, raporton Page Six. Ylli hollivudian thotë se Vivienne i kujton nënën e ndjerë.
“ Viv më kujton nënën time sepse ajo nuk fokusohet të jetë në qendër të vëmendjes, por të jetë një mbështetje për krijuesit e tjerë”, tha Jolie në një deklaratë, duke iu referuar nënës së saj, Marceline Bertrand.
E ëma ishte gjithashtu një aktore dhe producente deri në vdekjen e saj në 2007. “Ajo është shumë serioze për teatrin dhe punon shumë për të kuptuar më mirë se si të kontribuojë ,” shtoi aktorja./abcnews.al
