Allan ishte shumë afër kalimit te PSG janarin e vitit të kaluar, por pretendimet e larta të Napolit ndikuan që të mos arrihej marrëveshja finale. Klube të tjera janë të interesuara për mesfushorin, i cili nuk shihet si titullar nga trajneri Gattuso.
Ky i fundit ka në kokën e tij një mesfushë të formuar nga Fabian Ruiz, Zielinksi dhe Demme. PSG e pëlqen akoma Allan, ashtu si Everton dhe Atletico Madrid. Carlo Ancelotti e njeh mirë, ka punuar bashkë me 29-vjeçarin te Napoli dhe po tenton ta transferojë në Premier League.
Il Mattino raporton se trajneri italian ka ofruar 45 milion euro për kartonin e brazilianit. Një ofertë e mirë dhe tani pritet përgjigja e klubit italian. Allan debutoi me kombëtaren e Brazilit dy vite më parë dhe numëron 8 ndeshje të zhvilluara. /abcnews.al
