Loading ...
American Airlines ka njoftuar të premten se ka paraqitur pranë Departamentit të Transportit të Shteteve të Bashkuara kërkesë për të operuar fluturime direkte nga Miami drejt Caracas dhe Maracaibo në Venezuelë përmes linjës së saj rajonale Envoy, duke rikthyer lidhjet ajrore të SHBA-së me Venezuelën për herë të parë pas më shumë se gjashtë vitesh.
Kjo iniciativë vjen pasi Sekretari i Transportit Sean Duffy hoqi një urdhër të vitit 2019 që ndalonte fluturimet amerikane drejt Venezuelës, me urdhër të Presidentit Donald Trump.
Shërbimi i ri do të vijë në fuqi vetëm pasi të marrë miratimin përkatës qeveritar dhe vlerësime të sigurisë, dhe synon të rinisë shërbimet komerciale ajrore ndërmjet dy vendeve që kanë qenë të pezulluara prej vitit 2019.
/ abcnews.al /
