Trotuarët në Krujë janë zaptuar nga tregëtarët ambulante. Pas mbylljes se tregut të këtij qyteti nga bashkia si masë parandaluese për përhapjen e Covid-19, shitës ambulantë nga zonat rurale kanë zbritur në rrugë për teë shitur produktet e tyre.
“Janë rreth 100 fermerë që kanë zbritur nga zonat e tyre, nga ora 05:00 e mëngjesit janë pozocianur në të gjitha rrugët e Krujës në mënyrë të jashtëligjshme”, thotë drejtuesi i task-forcës pranë bashkisë, Hasan Stafa
Ai kërkon ndihmë edhe nga policia bashkiake. “Tregu tashmë prej tre vitesh është gati, po bëhet edhe distancomi i tavolinave. Tani duhet vetëm prezenca e policisë bashkiake dhe dezinfektues”, thotë ai.
Banorët e Krujës shprehen se produktet ushqimore që shiten në rrugë nuk janë te sigurta, pas mungojne plotesisht kushtet higjeno-sanitare.
Tregu i Fushë Krujës u mbyll në datën 20 prill, pasi në mungese të kushteve të duhura higjeno- sanitare, u pa si burim për përhapje infeksioni.
Drejtuesi i task-forcës pranë bashkisë, Hasan Stafa u shpreh se në kete treg tashmë janë bërë ndërhyrjet e nevojshme për rinisjen e aktivitetit. /abcnews.al
