Ambasadori gjerman në Shqipëri Peter Zingraf ka zhvilluar ditën e sotme një takim me kreun e Gjykatës Kushtetuese.
Temë diskutimi ishte reforma e sistemit të drejtësisë në Shqipëri dhe ngritja sa më shpejt e institucioneve, si dhe plotësimi i kushteve për integrimin e Shqipërisë në BE. Zingraf shprehu angazhimin e shtetit gjerman për këto tre pika.
Ndërsa Vitore Tusha foli rreth situatës aktuale të funksionimit të Gjykatës Kushtetuese, duke theksuar rëndësinë që mbart ringritja sa më shpejt e këtij institucioni për procesin e integrimit të saj në Bashkimin Europian.
Ajo ceku edhe situatën në Këshillin e Emërimeve në Drejtësi, i cili drejtohet prej saj që prej muajit qershor 2020, duke u fokusuar në ecurinë e procesit të përzgjedhjes dhe renditjes së kandidatëve për plotësimin e vakancave në Gjykatën Kushtetuese. /mv. abcnews.al
