Loading ...
Ambasadori gjerman në Kosovë Rainer Rudolph, tha se dialogu Kosovë-Serbi është me rëndësi për stabilitetin rajonal dhe për perspektivën evropiane të të dy vendeve.
Gjithashtu ai theksoi dialogu ka për qëllim zgjidhjen e çështjeve nga konfliktet e kaluara.
“Ai është thelbësor për përparimin drejt anëtarësimit në Bashkimin Evropian”, tha Rudolph, shkruajnë mediat në Kosovë.
Rainer Rudolph, shtoi se përparimi në zbatimin e marrëveshjeve lidhet direkt me cilësinë e jetës së qytetarëve.
“Është e rëndësishme që qytetarët të ndjejnë përmirësime në jetën e përditshme. Në veri, gjatë bisedave me katër kryetarë komunash dhe ekipet e tyre, folëm për ndikimin që kjo do të ketë tek zgjedhësit e tyre. Më inkurajoi kur thanë se do t’i ftonin qytetarët të bashkëpunojnë me institucionet për zbatimin e ligjit. Këtë tani po e shohim edhe në praktikë”, tha ambasadori gjerman.
