Ambasadori i Mbretërisë së Bashkuar në Prishtinë, Nicholas Abbott deklaroi se ka ardhur koha që Kosova të propozojë zyrtarisht një draft-statut për Asociacionin e komunave me shumicë serbe, duke u mbështetur në vizionin e kryeministrit Albin Kurti, të prezantuar javën e kaluar.
Abbott u shpreh se draft-statuti i ri duhet të jetë po ashtu në përputhje me kriteret e përcaktuara nga Bashkimi Evropian.
“Pra, tani është koha që Kosova të propozojë zyrtarisht një draft-statut për një Asociacion, duke u mbështetur në vizionin e vendosur nga kryeministri javën e kaluar, në përputhje me kriteret e përcaktuara nga BE-ja”, shkroi Abbott në rrjetin social Twitter.
So now is the time for Kosovo to propose formally a draft statute for an ASMM, building on the vision set out by the Prime Minister last week, in line with the criteria set out by the EU. 2/2
— Nicholas Abbott (@nickabbottfcdo) May 9, 2023
Ai ka njoftuar gjithashtu se gjatë kësaj jave në Kosovë do të ketë vizita të rëndësishme.
“Këtë javë do të ketë vizitorë të rëndësishëm në Prishtinë, duke përfshirë drejtoreshën e Britanisë për Ballkanin Perëndimor”, ka thënë ambasadori, duke shtuar se aleatët e Kosovës duan të shohin përparim në normalizimin e marrëdhënieve me Serbinë.
This week sees many important visitors in Pristina, including ?? Director for the Western Balkans @VBillingFCDO. ?? allies want to see progress in the normalisation of relations with ??. 1/2
— Nicholas Abbott (@nickabbottfcdo) May 9, 2023
