Pas mbylljes së qendrave të votimeve në të gjithë vendin, Ambasada Amerikane në Kosovë ka deklaruar se është inkurajuese të shohësh kaq shumë qytetarë që dalin të votojnë paqësisht sot, pavarësisht motit dhe pandemisë COVID-19.
Selia diplomatike amerikane në Prishtinë, përmes një postimi në rrjetet sociale, thekson ndër të tjera se tani është e rëndësishme t’i jepet kohë dhe hapësirë Komisionit Qendror Zgjedhor dhe institucioneve të tjera të Kosovës për të numëruar votat dhe për të bërë punën e tyre.
Ndërkaq, tashmë kanë filluar të publikohen rezultatet e exit-polleve në Kosovë, ndërsa pritet që brenda disa orëve të dalin edhe rezultatet e para nga KQZ-ja.
