Llambri Marku, 60 vjeç u gjet i pajetë mesditën e sotme në një nga dhomat e hotelit në pronësi të tij në Divjakë.
Ngjarja dyshohet se ka qenë aksidentale pasi për shkak të një cigareje ka rënë zjarr në dhomën ku po qëndronte 60-vjeçari.
Mësohet se ky i fundit kishte vetëm 3 ditë që ishte divorcuar nga gruaja.
Dyshohet se ai kishte konsumuar alkool në sasi të madhe dhe më pas kishte ndezur cigaren.
Lexo edhe: Digjet dhoma, humb jetën pronari 60-vjeçar brenda hotelit në Divjakë
Por 60-vjeçarin me sa duket e kishte zënë gjumi me cigare në dorë, e cila ka ndezur dyshekun dhe flaka ka sjellë djegien e trupit të tij.
Kanë qenë familjarët që e gjetën të djegur pasi 60-vjeçari nuk përgjigjej në telefon.
Fillimisht ka marrë flakë dysheku e më pas është djegur e gjithë dhoma. Grupi hetimor, nën drejtimin e Prokurorisë Lushnjë, po punon për zbardhjen e rrethanave të ngjarjes
/Abcnews.al/
