Në intervistën e tij të parë që nga tragjedia e filmit që la te vdekur një person dhe plagosi një tjetër, Alec Baldwin u shfaq emocional duke këmbëngulur se nuk donte ta portretizonte veten si viktimë. Gjatë intervistës për rrjetin televiziv ABC, pasi u pyet nëse ndihej fajtor ai tha: “Jo, jo. Unë mendoj se dikush tjetër është përgjegjës për atë që ndodhi.
Nuk mund të them kush është por e di që nuk jam unë. Dua të them, i sinqertë me Zotin, nëse do të ndjeja se isha përgjegjës, mund të kisha vrarë veten nëse do të mendoja se isha përgjegjës. Dhe nuk e them kollaj.“, theksoi ai. Duke folur për momentin e aksidentit, ai tha se kur ka parë Halina Hutchins përtokë, fillimisht ka menduar se i ka rënë të fikët.
LEXO EDHE: Alec Baldwin: Karriera ime mund të marrë fund pas vrasjes aksidentale në xhirime
“Të gjithë ishin të shokuar… arma supozohej të ishte bosh. Më thanë se më dhanë një armë bosh. Mendova me vete, a i ra të fikët?” shtoi ai. I pyetur më vonë nëse ai pret të përballet me akuza: “Më kanë thënë njerëz në dijeni, madje edhe brenda shtetit, se ka shumë pak gjasa që unë të akuzohem penalisht.” /abcnews.al
