Aleanca vijon betejën ligjore për të vënë para drejtësisë të gjithë personat që morën vendimin për të shembur Teatrin Kombëtar më 17 maj. Aleanca për Mbrojtjen e Teatrit, dorëzoi në Prokurorinë e Tiranës kallëzim penal, ndaj anëtarëve të Këshillit Bashkiak dhe Inspektoratin e Mbrojtjes së Territorit.
Ata i akuzojnë për 3 vepra penale, Shpërdorim Detyre”, “Shkatërrimit të pronës”, “Shkatërrimi i veprave kulturore”.
Avokati Adriatik Lapaj tha se Këshilltarët Bashkiakë nuk kanë të drejtë ligjore të marrin vendim për shembjen e Teatrit, pasi është pronë publike.
“Rezulton që Teatri Kombëtar ka qenë detyrë e KKT-së për tu shprehur për miratimin e lejes së prishjes dhe lejes së ndërtimit. Të gjitha vendimmarrjet e mëpasshme pasohen nga shkeljet, të cilat janë shkelje zinxhir”, tha avokati Adriatik Lapaj.
Aleanca për Mbrojtjen e Teatrit, ka depozituar deri më tani 5 kallëzime penale, në Prokurori, 3 prej tyre në SPAK.
Përfaqësues të Aleancës thanë se aty janë shkatërruar, rekuizitat dhe kostumet që kishin vlerë kulturore./abcnews.al
