Zv. trajneri i Kukësit, Rrahman Hallaçi, është i ftuar në Pressing, në ABC News. Pasi debatoi me Nevil Deden për kualitetet e Tiranës dhe Kukësit, Hallaçi iu përgjigj dhe pyetjes së moderatorit Gerti Çarçani, nëse Alban Hoxha është në radarët e Kukësit apo jo.
Shkurtimisht, Hallaçi u shpreh: “Alban Hoxha është një portier shumë i mirë, shumë cilësor. Por janë thjesht thashetheme, ne kemi dy portierë shumë cilësorë. Ka kohë për të folur për merkaton”, tha Hallaçi.
Alban Hoxha, kapiteni i Partizanit, nuk u aktivizua në sfidën kundër Kukësit në fundjavë, sfidë që “Demat” e humbën 1-3 në kryeqytet. E ardhmja e gardianit kuqezi, duket larg Partizanit./abcnews.al
