Më shumë se 70 krokodilë janë arratisur gjatë përmbytjeve masive në një qytet jugor të Kinës, me autoritetet lokale që kanë këshilluar banorët të qëndrojnë brenda derisa zvarranikët mishngrënës të kapen.
Shtatë persona kanë vdekur nga përmbytjet në qytetin e Maoming, sipas mediave kineze, teksa krokodilët notojnë nëpër rrugët e përmbytura. Një zyrtar i urgjencës tha se 69 krokodilë të rritur dhe gjashtë më të vegjël u arratisën nga ferma ndërsa shirat e dendur nga tajfuni Haikui përfshinë zonën.
Videoja që po qarkullon në mediat sociale kineze tregon disa nga krokodilët të fshehur pas një tabele pranë një rruge plotësisht të zhytur në ujë. Disa nga krokodilët u kapën, por të tjerët u larguan në një liqen të thellë dhe për këtë arsye janë më të vështirë për t’u kapur.
Deri më tani nuk raportohet për persona të lënduar nga krokodilët, por disa prej tyre janë zhdukur pas rrëshqitjeve të dheut. Shirat e rrëmbyeshëm shkaktuan përmbytje të shpejta javën e kaluar në Hong Kong , duke rezultuar në dy viktima.
/abcnews.al
