Influenceri Andrew Tate do të lejohet të largohet nga Rumania ndërsa pret gjykimin për akuzat e trafikimit të qenieve njerëzore, ka vendosur gjykata rumune.
Sipas vendimit, Tate do mund të udhëtojë brenda vendeve të Bashkimit Evropian.
37-vjeçari u akuzua në mesin e vitit 2023 së bashku me vëllain e tij Tristan për trafikim njerëzor, përdhunim dhe formim të një bande kriminale për shfrytëzim seksual të grave. Si pjesë e rastit janë akuzuar edhe dy të dyshuara femra nga Rumania, të cilat kanë mohuar akuzat.
Vendimi i Gjykatës së Bukureshtit për të lejuar Tate të largohej nga vendi u përshëndet nga zëdhënësi i tij si një “fitore e rëndësishme dhe një hap i madh përpara” në këtë çështje.
Ndërsa vetë Tate, në një postim në platformën X shkroi se “Jam i lirë. Për herë të parë në tre vjet mund të largohem nga Rumania.”
/abcnews.al
