“ABC News” ka siguruar fotot e tre të arrestuarve për shfrytëzim prostitucion. Samuel Doku, Kastriot Kullaj, Fabjon Cangu u arrestuan për shkak se akuzohen se kanë shfrytëzuar për prostitucion tre vajza të mitura.
Nga ky aksion i finalizuar këtë të mërkurë është shpallur në kërkim edhe një tjetër person.
Autorët e dyshuar, pasi kontaktonin me persona të tjerë, i adresonin ata për në hotelet ku akomodoheshin të miturat, në zonën e Larushkut, Fushë Krujës, dhe në Arameras.
Gjatë kontrolleve fizike të shtetasit Kastriot Kullaj dhe të 17-vjeçares, shërbimet e Policisë, iu gjetën sasi lënde të dyshuara narkotike kanabis, e cila u sekuestrua në cilësinë e provës materiale së bashku me tre aparate celulare. Tre të miturat e proceduara, janë larguar nga banesat përkatëse në muajt qershor, shtator dhe tetor të vitit të kaluar.
/abcnews.al/
