Kayla Ewell dhe Tanner Novlan janë zyrtarisht prindër të dy fëmijëve. Aktorja e “Vampire Diaries” dhe 36-vjeçari mirëpritën fëmijën e tyre të dytë, një djalë, më 6 qershor. Lajmin e bëri me dije aktorja përmes një postimi në Instagram.
“Jones Douglas Novlan. 7 javë më herët. Jones erdhi më 6/6/22. Ai mezi priste të bashkohej me ne.”, shkroi ajo krahas një fotoje të saj dhe Novlan duke mbajtur dorën e vogël të foshnjës. Aktorja bëri me dije gjithashtu se të dy gëzojnë shëndet të plotë.
Ewell dhe Novlan u martuan në shtator 2015 dhe mirëpritën vajzën e tyre, Poppy Marie, në korrik 2019. Ewell njoftoi shtatzëninë e saj të dytë në shkurt në një postim të ëmbël në Instagram, i cili përfshinte një foto të familjes së atëhershme me tre anëtarë. /abcnews.al
