Aktorja e njohur, Emily Blunt foli për pabarazitë me të cilat përballen gratë në vendin e tyre të punës, por edhe në industrinë e filmit, veçanërisht nënat që punojnë, të cilat shpesh ndihen keq kur kthehen në punë pas shtatzënisë.
Në një intervistë që ka dhënë për revistën Porter, aktorja që ka dy vajza, Hazel 8-vjeçare dhe Violet 5-vjeçare, me bashkëshortin e saj John Krasinski, ka folur për ekuilibrin që përpiqet të gjejë mes familjes dhe jetës profesionale. Ajo tha se është penduar që ka punuar duke rritur dy fëmijë të vegjël, duke treguar se sekreti është që çdo grua të gjejë ekuilibrin e duhur.
“Është interesante që gratë ende duhet të kërkojnë falje për zgjedhjen e tyre për të punuar dhe burrat jo. Dhe thjesht duket normale, por e gjej veten duke e tejshpjeguar ose duke e kompensuar atë.”
Për nevojat e xhirimeve të filmit të saj të fundit, yllit iu desh të kalonte shumë kohë në Spanjë. Duke folur për luftën e saj për të gjetur një ekuilibër midis mëmësisë dhe karrierës së saj, ajo tha se ndjen “atë që ndjen një nënë kur dëshiron të ketë një karrierë, por gjithashtu të jetë aty dhe të jetë e disponueshme. Dhe kjo të bën të ndjesh disa herë keqardhje”.
Siç tha ajo gjatë xhirimeve të filmit, Emily shpesh pyetej se ku ishin fëmijët e saj, gjë që e vendosi atë në procesin e shpjegimit të detajeve të jetës së saj pa asnjë arsye: “ Po mendoja se sigurisht që ata nuk ia kishin bërë këtë pyetje Chris Evans, Andy Garcia ose Jay Duplass ”./abcnews.al
