Loading ...
Një 22-vjeçar me iniciale A.Ll. është arrestuar nga policia pasi një ditë më parë ka aksidentuar një 47-vjeçar i cili po udhëtonte me biçikletë.
Në pranga janë vënë edhe tre persona të tjerë të cilët kanë qenë duke drejtuar automjetin në gjendje të dehur ose pa lejen përkatëse. Materialet i kaluan Prokurorisë së Rrethit Gjyqësor Tiranë, për veprime të mëtejshme.
“Arrestohen në flagrancë 5 shtetas, për vepra të ndryshme penale. Nga specialistët për Hetimin e Krimit në Komisariatin e Policisë Nr.4 u bë arrestimi në flagrancë i shtetasit H. M., 34 vjeç, i shpallur në kërkim për veprën penale “Dhuna në familje”.
Specialistët e Qarkullimit Rrugor bënë arrestimin në flagrancë të shtetasve : F. L., 61 vjeç, pasi u kap duke drejtuar mjetin pa lejen përkatëse ; A. Ll., 22 vjeç, pasi ka aksidentuar biçiklistin shtetasin F. Xh., 47 vjeç, i cili ndodhet në spital, nën kujdesin e mjekëve ;
B.B., 38 vjeç dhe R. Gj., 55 vjeç, pasi u kapën duke drejtuar mjetet përkatëse në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia./mv.abcnews.al
