Momente frike dhe paniku për Jermain Defoe. Sulmuesi anglez i Rangers (u transferua në janar në Skoci) shënoi golin e pestë në fitoren e djeshme kundër Aberdeen dhe pas ndeshjes ka pësuar një aksident të frikshëm.
Makina është shkatërruar, por për fat të mirë 36-vjeçari nuk ka pësuar dëmtime. Ai ka konfirmuar këtë fakt me anë të një postimi në rrjetet sociale.
“Jam mirë, shumë mirë. Jam ende paksa i tronditur, por do të shkoj në shtëpi të pushoj. Ju faleminderit të gjithëve për mesazhet”, shkruan shoku i skuadrës së Eros Grezdës. /abcnews.al
