Një aksident me 4 të plagosur u shënua pasditen e sotme në fshatin Mabë në aksin që lidh Lezhën me Shkodrën. Katër makina u përplasën rreth orës 17:25.
Dy nga makinat u përplasën kokë më kokë, një “Land Rover” përfundoi në një arë me jonxhë në krah të rrugës, ndërsa një “Passat” u përplas me një shtyllë.
Katër të lënduar u transportuan në spital, por jo të gjithë kishin nevojë për ndihmë.
Në pamjet e siguruara nga gazetari i “ABC” Gjergj Figuri e ulur dhe mbështetur pranë “Passat”-it qëndron një vajzë e tronditur nga aksidenti, por pa lëndime, ndërsa një i ri e ndihmon.
Ende nuk dihet gjendja e të lënduarve në spital, trafiku u bllokua për disa minuta nga aksidenti, ndërsa grupi hetimor ka nisur punën për sqarimin e rrethanave dhe shoferit që shkeli rregullat duke sjellë ngjarjen me disa të plagosur. db/Abcnews.al
