Dolën sot para gjykatës së Tiranës, 3 të arrestuarit pas aksidentit të rëndë ku humbën jetën 4 të rinjtë Enejd Laçi dhe tre pasagjerët në mjetin e tij Erild Laçi, 20-vjeç, Enrikejd Kurti, 24-vjeç dhe Andi Laçi, 22-vjeç.
Masa e sigurisë arrest në burg u caktua për shoferin e betonierës Aleksandër Krrashi I cili akuzohet për “Shkelje të rregullave të qarkullimit rrugor”
“Drejtimi i automjetit në mënyrë të parregullt” dhe “Largimi nga vendi i aksidentit”. I riu nuk ishte i pajisur me leje përkatëse drejtimi për betoniere, ndërsa kishte ndaluar në rruge dhe nuk kishte ndezur bllokazhin.
Me masën arrest në burg u la edhe Valentin Krrashi, kushëriri i shoferit 24-vjeçar, i cili akuzohet se e ka ndihmuar për tu larguar nga vendi i aksidentit duke u akuzuar për përkrahje te autorit te krimit.
Ndërkohë menaxheri i firmës për prodhimin e betonit, Danjel Koxha u lirua nga qelia duke i caktuar masën detyrim paraqitje
Nga verifikimet e kryera ka rezultuar se Koxha nuk kishte marrë masa për pajisjen e betonierës, me dokumentacionin e nevojshëm për qarkullim dhe kishte punësuar drejtuesin e betonierës, pa patur leje drejtimi për këtë kategori mjetesh.
/abcnews.al/
