Një aksident ka ndodhur mbrëmjen e së martës në Maliq. Bëhet e ditur se ngjarja ka ndodhur rreth orës 20:40 në rrugën e fshatit Orman ku një drejtues mjeti me iniciale Xh. Sh. ka përplasur një 13-vjeçar që po lëvizte me biçikletë.
Mësohet se fëmija është nisur drejt kryeqytetit për të marrë ndihmë mjekësore të specializuar. Gjendja e tij është e rëndë. Mjekët e kanë intubuar ndërsa dëmtimet i ka marrë në kokë.
Drejtuesi i mjetit u shoqërua për veprime të mëtejshme në Komisariat. /abcnews.al/
