Aksident në Lezhë, drejtuesi i motoçikletës përplaset me barrierat anësore të rrugës

Një aksident rrugor është regjistruar pasditen e së martës në aksin Lezhë–Shëngjin, pranë zonës së njohur si “Kënalla”.

Drejtuesi i një motoçikletë ka humbur kontrollin mbi mjetin dhe është përplasur me barrierat anësore të rrugës, duke pësuar lëndime.

I plagosuri është transportuar menjëherë në Spitalin Rajonal të Lezhës, ku po merr ndihmën e nevojshme mjekësore.

Policia ka mbërritur në vendngjarje dhe ka nisur hetimet për të zbardhur rrethanat dhe shkaqet e aksidentit./abcnews.al